要數箭神除了羅賓漢、鷹眼外,其實由遠古神話到近代都創作了不少射箭英雄,百發百中是基本,最重要是有個性,今人一見難忘,這才是真正箭神。
《箭神‧第一戰》以大家耳熟能詳的箭手Robin Hood為藍本,由《Kingsman: The Secret Servic》男主角Taron Egerton主演,戲中百發百中,但射箭出名的人物,又豈止他一人,古今中外,神箭手多不勝數,嚴數十位,你會發現羅賓漢原來只系碎料,冠軍真系實至名歸。 提起用箭,第一個想起是鷹眼,雖然是復仇者成員之一,但存在感低….經典一幕應是《復仇者聯盟》第一集,他用箭射牆再逃走,但其實最搶鏡是在《復仇者聯盟》第三集,無錯!就是沒有出現,大家才留意到。 網友為紀念鷹眼冇出現,專登為佢整張海報,算系咁啦。 鷹眼用炸彈箭,其實不是第一人,三十年前史泰龍都已經用,更非常耍家,在《第一滴血II》龍哥用箭鬥手槍,雖然橋段老土,但一箭將敵人射爆,好爽。 敵人去咗邊?俾龍哥射爆咗喇,屍都唔見,其實幾cult。 古典級箭手又怎能不提魔戒箭佬Orlando Bloom,當年一齣英俊瀟灑的外型,唔好話女仔,就連男仔都被迷倒,戲入面射術精唔精,唔重要啦….靚仔已經夠殺。 神箭手多數男人,但自《飢餓遊戲》後,大家會想起Jennifer Lawrence,還記得第一集一箭射中蘋果,女箭手佢最有印象。 如果你係80年代出世又鐘意打街機,提起用箭,一定諗起經典遊戲《三國志》黃忠,雖然佢在歷史上相當有名,同關羽、張飛、馬超、趙雲稱為五虎上將,不過喺只game入面就最難用,如果有人能夠單打用黃忠爆機,當年絕對被稱為機神。 提起箭神中國都有不少,出名忠心嘅岳飛亦系射箭高手,當年中學語文其中一篇課文《岳飛之少年時代》亦有講述岳飛有幾準,「飛引弓一發,破其筈;再發,又中。」一箭射中箭尾,再發又中,幾有電影畫面。 Robin Hood呢個角色經常翻拍,但就算今次由Taron Egerton演出都一定唔及Kevin Costner出名同印象深,唔系因為靚仔問題,而系電影主題曲,一見到Kevin Costner嘅羅賓漢look即刻起歌,Bryan Adams的神曲《Everything I Do》I Do it For You,當年橫掃樂壇幾年,套戲落畫首歌仲hit緊。 黃日華嗰下弓步,太陽前面拉箭,諗起射箭一定系佢,經典到後無來者,嗰下一箭雙鵰,同埋當年羅文、甄妮的洗腦歌。 如果計射程一定系後𦐒,可以射落九個太陽,仲唔系佢最好臂力?不過後𦐒這個中國神話人物的確少有,因為射落九個太陽,單系畫面都非常之膠,好難拍得有型。 唔繫個個都想「避箭」嘅,因為有種箭好多人都想中,呢個就係愛神邱比特,或者好多人不知道其實邱比特有兩種箭,金箭會令人產生愛情,但如果用鉛箭令人生憎惡,所以睇下你中邊枝,同埋愛神箭術一般,尤其金箭,有時射唔中,有時射錯人。