【01優先場．月光光心慌慌】經典角色Michael Myers入場嚇你一驚

電影《月光光心慌慌》今日（25/10）上畫，不過01讀者早在上星期日已先睹為快，率先欣賞這部有40年的真「驚典」。電影最驚嚇的一定是殺人狂Michael Myers的出現，殺人不眨眼，所以一直以來，都是萬聖節中最受大家歡迎的扮演角色。而今次優先場，就特別找來Michael Myers跟讀者玩驚嚇，一於入場前先嚇一嚇。

入場睇戲前，電影公司跟香港01製作了一個小型體驗空間，好讓觀眾入去體驗一番。空間內漆黑一片，然後會在鏡中突然出現Michael Myers的樣子。這個簡單設定，當然未必嚇倒大家，所以好戲在後頭。當讀者們睇完片一踏出來，扮演Michael Myers的朋友就會現身，來一個終極驚嚇！

這次就真的嚇倒不少觀眾，尖叫不絕，隨後Michael仲好「親民」，陪大家入場睇戲。電影有40年歷史，問到年輕的觀眾，大多數都未看過1978年的版本，但對於Michael Myers就一點都不陌生，因為每年的萬聖節，他都是扮演的熱門人選。適逢今年推出40年後的續集，入場睇《月光光心慌慌》絕對是今年萬聖節的最佳節目。