【無雙】周家怡感激佘詩曼失意時暗中幫手：同佢關係係前世整定
常聽到「錦上添花易，雪中送炭難」。一生中會有幾多人能在你失意之時，不計較回報，助你渡過難關。原來世上真的有患難見真情，要說的就是周家怡與佘詩曼這將近20年的姐妹情。周家怡坦言：「是緣份，我諗同阿佘是前世整定」。當周家怡事業失意之時，好姐妹佘詩曼曾暗中出手幫忙，事後更要在第三者口中才得知。難怪周家怡形容她與阿佘的關係就像屋企人一樣。
攝影︰黃國立
近廿年姊妹情
周家怡不經不覺入行二十年，1996年無綫電視藝訓班畢業後，就成為無綫電視基本合約藝員。另一邊廂，佘詩曼奪得1997年香港小姐季軍後，簽約無綫電視。緣份驅使兩人有幸一同參演拍攝劇集《倚天屠龍記》，當時兩人同屬峨嵋派，佘詩曼飾演周芷若，而周家怡則飾演玄妙。《倚天屠龍記》在1999年開拍，數數日子，兩人的姐妹情至今維持了19年。周家怡形容兩人的關係既是好知己，又像屋企人︰「咩都可以攤開出嚟講！」直言對住好朋友，根本沒有事需要隱瞞︰「講咩俾佢聽都唔驚。」看來兩人的關係真是如同屋企人一樣，非常融洽。
周家怡、佘詩曼廿載姐妹情
佘詩曼︰「周家怡OK呀！」
對於這對好姐妹，周家怡在訪問中有讚無彈︰「佢好窩心㗎，有很多事她做完我一直都唔知。」究竟是什麼事呢？原來當時周家怡工作不多，沒有太多演出機會，有次佘詩曼主動找梁思浩問他有沒有工作可以介紹，「你有無嘢做，搵吓周家怡。」簡單的一句，令她銘記在心。她續指出，阿佘當時見到不同人都會主動講一句：「周家怡OK呀！」偏偏這些窩心舉動，阿佘只是暗中協助，從沒告知她。「其實我一直都唔知，直至梁思浩講出來我先知。」知道真相後，周家怡笑稱跟阿佘重提這件事︰「你咁搞笑嘅？而佢就好簡單答一句：『係呀』」對話淡然，卻非常窩心有趣，盡在不言中。
【無雙】周家怡再次擔正唔係客串 爸爸睇完驚訝︰原來你咁多戲份
談及兩人的關係如何建立，周家怡直言可能兩人性格相似︰「大家性格都比較正氣，又唔會轉彎抹角，所以一拍即合。大家都是義氣仔女，感覺如同屋企人一樣。」
試過被主辦單位嫌棄
人生有幾多個十年，何況兩個十年，周家怡表示失意之時，曾有想過放棄，甚至為此落淚。當時劇集《導火新聞線》不能播映，更有活動主辦順勢拒於她千里，「知道有活動主辦嫌棄你，叫你唔好嚟，聽完我都忍不住喊出來。」不過周家怡就是硬淨，只是不開心了一天，很快便回復過來。「我同自己講，如果唔開心可以換來多拍一套戲，那你便盡情唔開心吧！」目前，周家怡以「活在當下」為目標，只想有更多演出及發揮機會，而終極目標，希望有天能衝出香港，到荷里活拍大電影，「好想拍唔係普通人做到嘅野，好想拍Marvel，挑戰吓對住塊藍布幕做戲。」
特別鳴謝
Venue: 居食屋「和民」(皇室堡)
Outfit: Club Monaco
Make up: Herman Ng Make Up
Hair: Vincent Yeung @Salon Osmosis
Nail: Hand and Foot-Nail Spa