【瘦身男女】杜琪峯都市愛情三部曲　鄭秀文劉德華為愛瘦一次

劉德華和鄭秀文主演的《瘦身男女》面世17年，至今仍是不少影迷心中的港產愛情喜劇經典，特別當中描寫對減肥的迷思，其實放諸今時今日依然入肉，戲中金句更是翻睇幾多次都可以笑出聲。

劉德華和鄭秀文當年繼《孤男寡女》後再次合作《瘦身男女》，2001年上映時大收逾4000萬票房，雖然年度票房不敵《少林足球》屈居第二，但在愛情喜劇絕對算一個紀錄，除了男女主角的默契，劇情諷刺社會對外貌和身材的迷思，經過多年依然適用。

故事講述鄭秀文飾演的Mini過去因受到打擊而身形暴漲，為了赴初戀情人的十年之約，在劉德華述演的肥佬的幫助下設法瘦身，經過重重功夫終於瘦身成功，最期待的求婚畫面終於出現之際，卻因為發現背後肥佬為她的付出，而令她重新思考何謂真愛。

電影最後大團圓結局，肥佬都成功瘦身，變回fit爆「華仔look」跟Mini有情人終成眷屬，雖然未能呼應外表不是一切的主旨，但滿足了觀眾，大家亦睇得開心，更重要的是，不止「肥佬，我有啲掛住你」、「我哋呢啲使嚟使去都係面嗰浸啫」等透露淡淡溫情的對白，最經典必屬臨別時，Sammi問劉德華其實叫咩名？「我哋呢啲肥佬，叫咩名都係畀人叫肥佬！」完全道出肉肉人士的心聲！