【香港票房2018】黃子華《棟篤特工》半年霸　唯一打入中西片十大

賀歲片強佔頭4位
睇番香港電影票房數字，其中十大只有３部過千萬，而第十位的《洩密者們》更以$246萬的低數字，就成功登上。雖然《洩密者們》仍在上映中，不過以走勢看應該距離不遠。另一現象是頭4位都是今年年頭上畫的賀歲片，當日4部合力打一部《黑豹》，但以成績看都算皆大歡喜，可見賀歲檔的確是兵家必爭之地，亦是香港電影最駐重兵的檔期。據知來年報名參戰的已有古天樂、韓庚、呂良偉主演，改編自電子遊戲的《真 ‧ 三國無雙》，而古天樂重金打造的《明日戰記》亦有意出戰。

而如果將中西電影混合計算數出十大，其實就只有《棟篤特工》可以夠資格打入第七位，香港電影真係要加把勁先得。

一部《復仇者聯盟3》包起港產票房

數完香港電影，去到西片（非香港電影）類別，無懸念地以《復仇者聯盟3︰無限之戰》稱冠，由於電影仍在上畫中，所以票房暫時是$153,115,816，差不多是香港冠軍《棟篤特工》的4倍，而且佢更加以一片之數包攬港片十大的總和，真係撻一下已經夠數，非常厲害。至於第二位是仍在上畫的《侏羅紀世界︰迷失國度》，報$8,102萬，距離上集的9,000萬，應該有機會追到。至於十大中，唯一一部非荷里活電影的就係韓國的《與神同行》，收$5,374萬，排第五位，而8月就已經有下集上畫，相信又會再創新數字。