【犯罪現場】宣萱怨戲份欠大隻型男 古天樂︰淨係望我咪夠囉！
撰文：許育民
出版：更新：
自2001年《尋秦記》後，古天樂跟宣萱都呢對銀幕情侶都一直未有合作，直至早前宣萱簽約同屬古仔的經理人公司，兩位終於可以再度埋位。
當大家以為首部作將會係《尋秦記》電影版時，原來事前仲有部《犯罪現場》熱一熱身，演一對若即若離的情侶，古天樂︰「今次係相逢恨晚。」
古天樂和宣萱相隔多年後，再次合作並飾演情侶，二人默契絕無問題。古天樂︰「至少唔會有陌生感覺，而且今次唔算演一對情侶，反而有點相逢恨晚。」宣萱坦言平時開工都會緊張，但開《犯罪現場》就冇乜壓力，好安心。古天樂︰「咁就好啦，拍呢部戲晚晚都瞓得好好。」問到宣萱戲中有幾位大隻仔︰張繼聰、安志杰，拍戲時會否大飽眼福，她可惜地說：「我演包租婆，租客都是一班老人家，而且大部份都係同古仔對手戲。」古仔聽到搞笑回應：「你淨係望我咪夠囉！」兩人默契十足，相信拍攝電影一定非常有火花。
《犯罪現場》是一部懸疑的緝兇片，不過古仔今次唔係負責查案，反而係被查，因為他被警方懷疑因分贓不勻，跟一宗兇案有關，列為通緝犯。為澄自己清白，古仔要暗中查出真相，而在逃避警方耳目期間，無意匿藏在一套房之內，套房的房東就是宣萱。有趣是宣萱角色是眼角膜受損，所以不知面前的正是一個通緝悍匪，還處處跟他作對，二人的寸嘴互片，將會在戲中呈現。
一片集齊今屆三大金像得主
+5
【犯罪現場】張繼聰臉上有傷接受訪問 頹爆警察夾埋鸚鵡一齊飆戲
《寵物情緣》再續
二人再聚，好自然會令人想起兩位的甜蜜之作《寵物情緣》，咁啱呢套《犯罪現場》都有寵物主演，唔係貓唔係狗，係一隻識講嘢嘅鸚鵡，而佢更加係整單案件中的唯一「目擊證人」。據導演馮志強講，揀鸚鵡因為佢其實有5歲小朋友的智商，絕對有能力講番單案的過程出來，只係要搵動物專家幫手，而戲中劉心悠就飾演呢個動物專家，從鸚鵡的反應分析案情。