【吉屋】陳家樂馬來西亞拍戲疑撞邪：喉嚨痛發燒持續

港產鬼片《吉屋》於荃灣舉行首映禮，出席演員有陳家樂，麥子樂，湯加文等人。故事講述陳家樂飾演的年青有為地產經紀，為了搵快錢，不惜一切將凶屋賣給顧客，甚至出售給前度女友（湯加文）及好兄弟（麥子樂），任由他們被鬼魂纏繞，特顯人性比鬼更可怕！

電影遠赴馬來西亞取景拍攝，據悉拍攝初期家樂無故發病。家樂表示：「起初一到埗時精神還好，但到第二日到正式開拍時，喉嚨痛跟住就失聲，餘下日子又發燒仲要出智慧齒，不斷唔舒服，到返咗香港之後就乜事都冇。」旁邊麥子樂說：「在我人生中呢部戲都好重要，因為大家當時都冇工開，電影公司搵咗我同家樂拍呢部戲，因而認識，係呢段期間我地互相扶持，呢段期間佢唔舒服我會照顧佢，所以令到我之間友誼更加鞏固。」