【復仇者聯盟3】美國網紅連環入場喪睇 「無限觀戰」紅爆網絡
撰文：陳穎思
出版：更新：
Marvel十年大作《復仇者聯盟3：無限之戰》（Avengers: Infinity War）在世界各地大受歡迎，創下多個票房紀錄。一眾死忠Marvel迷豈會只睇一次，睇3次以上都大有人在，但美國有位超級擁躉自電影上映後，日日買飛捧場，有時仲一日睇兩次，截至昨日已睇足42次！
這位狂迷的社交網站戶口名叫「Nem: The Infinity Watcher」，即係「無限觀戰」，他本身是一名YouTuber，亦是Marvel超級粉絲，《復仇者3》於4月27日在美國上映，他當然會買飛捧場，就算看幾次也算是人之常情，但他比其他狂迷更瘋狂，在4月30日暗自下了一個決定，展開一場「無限觀戰」。
【復仇者聯盟3】結局太驚嚇觀眾要心理輔導？ 有人激動暈倒送院【黑豹】美國學生用Wakanda做專題 分析文化經濟歷史講師信到足【復仇者聯盟3】蜘蛛俠骨灰去到印尼都有得賣？ 60蚊港幣有找【復仇者聯盟】蜘蛛俠Tom Holland獲影迷贈神秘禮物 一收即扁嘴
狂迷於4月30日在社交網站留言話要做一次瘋狂的事，原來就係每日睇一次《復仇者3》，狂迷每睇一次就在海報前自拍，證明自己並非純「打咭」，後來被網民質疑造假，之後他連戲飛都影埋出唻，昨日睇到第42次，終於谷到自己成功上報！
狂迷每次去戲睇都有花心思，每次穿上印住不同Marvel角色的T恤及帽子，連網民都忍唔住問他在哪裡買衫。雖然已見報，但這場「無限觀戰」仲未打完，狂迷今晨又上載新相，以第43次入場慶祝自己成為網絡紅人，未知他會否日日入場，直至明年5月《復仇者4》上映？