【維尼與我】一個關於成長的故事　羅賓捐樹窿尋回百畝林之友

自《維尼與我》（Christopher Robin）宣布開拍，大家都好期待到底當中的一眾小角色，會用咩方式呈現。兩個月前首條預告登場，只見Winnie the Pooh得一個鏡頭，其他朋友仔都未登場。今次來到正式預告，一眾角色終於同大家見面，除了主打的豬仔（Piglet）、依唷（Eeyore）、跳跳虎（Tigger），就連袋鼠、兔仔同貓頭鷹都有現身，完全係好開心嘅一幕。
(上映日期︰8月2日)

改編自經典兒童讀物的《維尼與我》，在首條預告中，已經知道重點會落在飾演Christopher Robin的Ewan McGregor，但呢個Robin再唔係跳跳紮同維尼捐樹窿嘅小朋友，而係已長大成人，既有自己的工作，又有一個美滿的家庭，只係生活逼人，令他迷失自我。一次在公園呆坐，就俾佢遇番維尼，於是就帶佢經過樹窿，搵番百畝林嘅一眾好友。

製作班底「冇童真」？
要拍電影《維尼與我》，直覺上會找來一眾拍過動畫，或者兒童作品的班底製作，有趣是今次的製作團隊相當「冇童真」。首先導演馬可科士打（Marc Forster），拍過《地球末日戰》、《新鐵金剛之量子殺機》及《追風箏的孩子》等，最接近的一次應該是2004年，拍過《小飛俠前傳之魔幻童心》，該片便在第77屆奧斯卡獲得7項提名。電影編劇，就由《焦點追擊》湯瑪士麥卡菲（Tom McCarthy）、《NASA無名英雌》艾莉森施羅德（Allison Schroeder）及《Listen Up Philip》的Alex Ross Perry 聯合創作，好想知呢個班底，會點樣演繹一份童真。

至於男主角，就由在《星戰》前傳，飾演年輕版Obi-Wan的伊雲麥葵格（Ewan Gordon McGregor），今次就當上成年版的Christopher Robin。至於妻子Evelyn一角，則由《美國隊長》Margaret Carter的希莉艾維（Hayley Atwell）飾演。其他配音演員包括，「小熊維尼」Jim Cummings、「跳跳虎」基斯奧當德（Chris O'Dowd）、「豬仔」Nick Mohammed等。