【變形金剛7】爛得滯要押後上畫？ 監製Michael Bay轉同死侍合作
撰文：許育民
出版：更新：
因為《變形金剛》（Transformers）系列，令監製米高比爾（Michael Bay）成為A級投資大轟炸式爛片的代言人，但由於票房繼續好收，所以無損他對爛的堅持。
不過有報道指原定出年6月上映的《變形金剛7》突然被抽起，令人直接地覺得係拍得太爛被嫌棄。當你以為米高比爾終於受到應得的懲罰，剛剛又傅出Netflix將邀請米高比爾跟《死侍》（Deadpool）系列演員賴恩雷諾士（Ryan Reynolds）合作，製作一部名為《Six Underground》的動作電影，睇嚟真正的死侍係米高比爾。
【死侍2】佐斯布連為演Thanos、Cable狂操肌 滅霸健身都要抖下氣《死侍2》Yukio漫畫大反差 忽那汐里被Ryan Reynolds狂爆肚嚇親【死侍2】火拳撞樣馬來西亞學校縱火犯 23名師生慘遭燒死【死侍2】Celine Dion神級演唱主題曲 MV末段與主角對話先係精髓【死侍2】宣傳品作弄復仇者聯盟最開心 死侍對曼聯情有獨鍾？
當Marvel的電影宇宙都建立了10年時，其實《變形金剛》（Transformers）系列電影已踏入11周年，只係呢個系列除了開頭兩集見得人後，往後都被視為無頭無腦的大轟炸電影，而且劇情空洞無物，慘成笑柄。不過你愈笑佢愈拍，電影公司派拉蒙早就宣佈會先開拍大黃蜂外傳，於今年12月上畫，並於出年暑假上《變形金剛》第7集，係威係勢咁。不過日前就有消息指公司已決定抽走第7集，只有大黃蜂外傳維持原判。
雖然電影公司沒有進一步交代原因，但消息一出，大家都認定是拍得太爛，甚至歸咎於上集於美國本土票房未如理想有關。正當想熱烈地彈琴之際，Netflix又為米高比爾振夫綱，邀請他跟《死侍》系列演員賴恩雷諾士合作，拍攝一部名為《Six Underground》的動作電影，故事講述6名億萬富翁假扮死去，其實暗自組成對抗惡勢力的隊伍，呢部會將會係一部動作喜劇，編劇更敲定係《死侍》的 Paul Wernick及Rhett Reese，咁起碼劇情上有個底喎。