【Westworld．劇評】機械人升級大反擊　以其人之道治其人之身？

喂，4月喺美劇界最大獲的一定係《西部世界》（Westworld）重磅回歸。
上季已經係年半之前，整個「robot到底可以去到幾盡」嘅幻想又返番嚟。話到明重量級上演第二季；除咗上季尾聲你已經可以看到 host（呀Maeve姐）率先 upgrade，睇完高訊息量的《Westworld》第二季首播，你會發現整個《Westworld》都 upgrade 咗。
撰文：陸小菲

【文章原刊於01撐場，歡迎下載香港01 app，與星級作者一同討論喜愛話題。】

一、Welcome to Westworld：

呢個以牛仔主題的樂園要玩咩有咩玩，爭在你到底玩唔玩得起。承接住上季結尾的大逃殺慘劇，你可以睇到第一季差啲被玩到壞晒嘅機器人已經非常團結咁群起反抗；血洗整個控制總部，無一幸免。總部都事少，季尾入去 Westworld 版圖嘅真人們幾乎全滅，目測就只有黃裙女奇蹟生環。而最接近真人嗰位，就係早就活喺真人世界的 Bernard 兄。

點解玩到咁大？點解 robot 要反抗？反抗有咩着數？反抗完一統天下對無 storyline 就推動嘅 robot 嚟講又有咩意義？

Westworld 裏面本來就係玩無後果嘅狂野遊戲，畀錢入去要暴力有暴力，你可以殺無赦亦可以做英雄。Robot 們呢獲只係將平時你地玩開嗰個舞台以另一個角度呈現，亦即係話將舞台 upgrade 咗去真實世界而已。但對人類而言，當一切變成有「後果」，過程裏面演算出的「經歷」就已經有唔再一樣嘅感覺。呢個世界就係因為有後果，你先會明白原來你玩大咗。

二、最 hardcore 嘅武器係用你把刀嘅刀刃嚟做成你的傷口：

機器人今次的目標未明，但人類經歷到嘅就係所謂嘅 payback。

將自己 upgrade 到最頂級嘅 Maeve 反過來要脅同支配設計故事線嘅男職員。出現要除褲的一幕好多人都話無必要，但 Maeve 就係話你知佢已經可以完全咁羞辱你：

I'll relieve you of your most precious organ and feed it to you, not that it would make much of a meal.

甚至 Maeve 用佢為佢而寫嘅對白回敬佢：「A bit broad, if you ask me.」呢個回饋其實都好到肉。而且，Maeve 姐仲要寸佢寫得唔夠好。

三、因為唔係你掌握，你咪驚囉（人就係咁㗎啦）：

一開始大家要 fuck 就 fuck，要打要殺；無恐懼，因為你唔驚。而家大家咁驚青，因為你驚呀！最基本先係你已經分唔到邊個係真邊個係假（雖然佢地未去到呢個關口，呀 Bernard 兄及時打救到自己唔穿煲住），但如果去到你已經再分唔到真真假假嘅時候，咪會對呢份未知而驚心動魄囉。不過，如果真係唔再分到嘅話，真真假假又有何重要呢（不過係後話啦）？

再後話係，呢個分唔到真實同假象嘅情況喺機器自己都分唔到呀！

Maeve 姐話要去救自己個女？！「WTF！」被指示除褲嗰條友內心 OS 一定係呢句。喂，你個女係我安排畀你架，假架。不過我好佩服佢喺咁危在旦夕嘅情況下都挑釁呀 Maeve 姐，真係好大膽豬。嗰個她明顯唔係你個女，明眼人都好易分到。但當呀 Dolores 話「I have one last role to play – myself.」嘅時候，唔知點解身為觀眾嘅小菲忽然又覺得好似有啲可能。呢個就係個 ticky 位，就係到去點你再分唔到真同假。呀，真係媽呀我好亂。

如果前者要救呀女的想法其實唔係 goes off script 的指定，只係舊記憶裏面佢依然有對個女嘅愛護，喺「親情100分」設定底下令到佢面對真世界時繼續演用佢本身性格。但如果後者嗰種，似乎（貌似）（好可能）（刻意塑造到好似）已經 breaks free 的情況嚟睇，似乎就唔再分用佢係咪因為佢本身嘅倔強讓令佢活起嚟喇。

講到底，到底係講機器人真係已經有 free will，機器人終於醒覺，定係只係玩「it’s just a story」將世界搬去一場更大更闊嘅地方講一個再 cover 多啲恐懼嘅故事？就要睇落去喇。

所以話呢，我哋眼前所有大大小小真實嘅快樂同傷心，其實如果退一下再去後面睇番個 big picture 就會有更大嘅感受咁解囉。

同大家一齊等周末嘅第二集。啊，咪就係呢種耐人尋味將我哋食住晒囉。

追看指數：☻☻☻☻☻

【編按：文章題目由編輯所擬，原題為「美劇《西部世界》第二季：最hardcore嘅武器係用你把刀嘅刀刃做成你嘅傷口」。】

（文章純屬作者意見，不代表香港01立場。）