【金像獎2018】古天樂奪影帝5000網民激讚：佢對香港電影仲有團火

金像獎2018終於完滿結束，古天樂大熱稱帝，相信大家都無乜意外。在得獎後，他的舊歷史立即被拿出來，例如他的低調慈善，在內地建築學校等等的事跡。古天樂得獎時在台上的感言也是發人深醒，他說：「呢幾日真係好緊張。。。我哋香港人係點都要做好我哋香港電影。。一部好的電影是不能放棄。。」他續說：「我好多謝我屋企人。。我唔可以唔同我屋企人住，就好似香港電影咁，需要大家支持。」睇得出佢真係好支持香港電影。

當他得獎後，有網民立即在討論區上為他鼓舞，認為他本來可以揀條輕鬆既路行，但卻選擇繼續發展香港電影。網民的說話是：「當陳小春溫兆倫。。喺上邊（大陸）都搵到食，以古天樂既名氣同地位，輕輕鬆鬆拍下廣告，一年接一套合拍片，下半世打跛腳都唔洗休，佢完全可以好似成龍咁無視自己係香港影視出身。而家上咗位既，咁重份量嘅，有邊個會好似佢咁講野？四大天王同發哥都唔會啦。做到今時今日，佢對香港電影都仲有團火喺到，拎完獎又鼓勵香港電影，又用家庭稱呼同業。再望望佢嚟緊投資個電影list，一堆明顯唔係aim（啱）搵錢既戲，而且肯用啲本土既新人舊人，佢根本係香港娛樂圈既畸形，真心要對依個人寫個服字。」古天樂對香港電影的付出，其實係有好多人睇得到，希望佢繼續努力，為香港電影爭啖氣！

古天樂對香港電影究竟有幾大貢獻？先講今年他的電影公司天下一有份投資的電影，有《低壓槽》、《愛·革命》、《逆流大叔》、《犯罪現場》、《翠絲》、《電影痴漢》和《紙皮婆婆》，還有一些正在籌備當中，包括：《尋秦記》、《風雲天下III之斷浪》、《如來神掌》、《大猩小怪》、《力神薛仁貴》和《雞蛋仔》，當然不能數漏全城期待的《明日戰記》。在香港電影市道愈來愈低迷的時候，古天樂還不惜工本，親力親為地去為香港電影努力，實在唔話得！

【金像獎2018】古天樂入行24年太多經典 95部作品造型一文睇晒

【金像獎2018】古天樂曾公開坦承犯錯 入行24年低調行善回饋社會