【金像獎2018】姜皓文佩服古天樂有心有力：我覺得自己好皮毛

從影33年的姜皓文去年憑《樹大招風》「大輝」一角首次獲提名金像獎最佳男配角，無奈最終落空，輸給《一念無明》的曾志偉。高產量的他，今年分別以《拆彈專家》同《大樂師‧ 為愛配樂》再次角逐同一獎項，常笑言自己運氣麻麻的他，今次終於有機場感受得獎的滋味。

首奪最佳男配角的他，在慶功宴上接受訪問時顯得非常激動：「真係百般滋味在心頭，我在台上一瞬間不禁想到自己入行前曾經在茶樓賣過點心，又做過裝修業，今次終於捱出頭。」不過姜皓文最佩服還是新影帝：「同埋聽完古生的一番言論，覺得自己真係好皮毛，想要幫香港電影界做多啲嘢，你夠膽出來說喜歡拍戲，我愛香港電影，憑甚麼？我覺得我未夠，所以接下來安排了不少工作，未做過甚至做過的都會要求自己再做好啲。」

提到他在台上忘記感謝太太，事後他指每次拍完戲回家，都會與太太吵架，對方成了出氣袋。姜皓文表示老婆未有因而生氣。「老婆話多謝佢有鬼用咩，仲話我當然要多謝幫過自己嘅人啦。呢個獎係佢㗎啦，佢真係幫我好多，演藝事業上，佢絕對係世界最撐我那一位，她真是永遠最支持我。」