【金像獎2018】電影公司聯合慶功　古天樂︰下星期爸爸生日再慶祝

第37屆香港電影金像獎已圓滿結束，大熱的古天樂及毛舜筠更不負眾望，首度贏得影帝及影后殊榮，上年飲恨男配的黑哥姜皓文也一吐烏氣。
而今年8大電影公司為方便媒體採訪，更首度聯合舉行慶功，場面相當墟冚。古天樂、毛舜筠等得獎者，自然成為媒體追訪的目標。

在一片歡呼聲中，古天樂跟毛舜筠都順利地憑《殺破狼‧貪狼》及《黃金花》稱帝稱后，當中又以古天樂得獎後，在台上接二連三講出的撐香港電影論最為令大家感振奮。頒獎禮後，一眾得獎者紛紛到來出席慶功，問到古天樂這刻最想做甚麼？「我想返屋企瞓。」至於在台上分享自己好愛家人的他，問到會如何跟家人慶祝，「下星期爸爸生日，我諗會一齊再慶祝。」

至於向來獲大家支持的黑哥姜皓文，坦言有想過獎項會有暗湧，因為兩部提名《拆彈專家》及《大樂師‧為愛配樂》各有支持者，「都怕分薄票源，不過鄭中基就叫我唔好諗咁多。」提到自己在台上忘記多謝老婆，黑哥也有回應︰「太太冇介意，反而同我講喺外邊唔好成日提住佢，要多謝真係幫到自己的人。」對話相當感人。