【挑戰者一號‧達哥專訪】3歲開始沉迷電玩 被母嘲諷打機無出色

本地網絡紅人達哥（原名林慧韡），自2011年起打機打到街知巷聞，由起初以串流形式在網上直播打機，直到後來開台做自家直播，觀看人數由300人急增至逾萬人，不但fans愈來愈多，就連廣告、代言都陸續有來。打機打到如此成績，達哥都算是本地少有，甚至是唯一一人。
攝影：梁碧玲

Fans feel到有收工mode

近日上映、由史提芬史匹堡執導的《挑戰者一號》，以電玩少年投入虛擬世界為故事主線，戲中提及的所謂彩蛋，對已入場欣賞該片兩次的達哥而言，並不是機迷所講的「任務」，「打機咪好似部戲入面所講，最重要係過程，唔係目標，輸都有輸嘅樂趣㗎！」近年一直以直播打機聞名網路的他，每次直播都有一定數量fans捧場，「我唔會覺得一定要贏喎，有輸過先會覺得贏嘅興奮，唔會有壓力囉……直播打機其實係我表達情緒嘅方法，即係呢，我有時狀態唔好，咁就會設個時限俾自己，盡快喺15分鐘內殺死打佬過關，有時係因為好累，但我唔會直接同大家講我趕收工好累嘛，但我打得衰，啲人就會feel到，會留言話我收工mode，呢啲咪情緒囉。」

夢想原來係科學家？

今年只有30歲的達哥，自言自己3歲開始打機，「當時已經好confirm我係機友㗎啦，嗰時咪係玩任天堂紅白機嗰啲囉，即係《超級魂斗羅》……就係我開始打機嗰個年代。」現在已經是「達魂製作」行政總裁的他，是一名香港大學文學院畢業生，主修中文和藝術，更曾出國留學，「我阿媽最初都唔鍾意我打機，屋企人都覺得我話晒大學畢業，覺得我點解連經理都做唔成，走去打機。」他指他完全了解家人的擔心，但始終人生要向自己負責，不能違背自己意願，「我係一個比較放任嘅人，管理，我唔係做唔到，係我唔想做……我自己其實夢想過做老師，但我鍾意留長頭髮，咁我睇都冇學校會請我；我又夢想過做科學家，但我理科真係好鬼差，好明顯呢世都唔會做到。」

【挑戰者一號】動漫電玩界經典人物大曬冷　齊集春麗　喪鐘　金剛

打機係一種藝術

「唔好成日打機。」尋常母親時常掛在口唇邊的一句話，達哥的母親亦如是，不過他自言很小時候已經確定自己是機友，而且更影響個性、戀愛路，「鍾意打機嘅人唔一定溝唔到女，係慢熱啲之嘛，我好多機友都結晒婚（咁你有冇拍拖？）我都有拍拖啊，唔係追唔到女仔喎……」達哥笑言打機好處非常多，「我細個打機要做功課㗎！打機嘅人學習能力好強，細個打日本game，唔係好似依家咁有中文版，要自己認日文字，即係逐個試，邊個係武器，邊個係攻略咁，樣樣都要自學，好考功夫。」所以話，打機要打得出色，同做好一份工一樣咁難，要直播打機打得好睇，學達哥話齋「都好難㗎」，完。