【香港國際電影節】古天樂賀黎明做爸爸︰請飲我去但唔保證唱歌

第四十二屆香港國際電影節（The 42nd Hong Kong International Film Festival）今日在灣仔會議展覽中心正式揭幕，今年的電影節大使古天樂及田中麗奈都有出席。

剛於香港電影導演會頒獎禮及「亞洲電影大獎」中，憑《殺破狼·貪狼》成為雙料影帝的古天樂，今年及來年將有多部大作推出，包括《真 ‧ 三國無双》及《尋秦記》等，「其實依家最重要都係搞好香港電影，我哋都知道要做大膽嘅戲價值不菲，但我哋始終都要嘗試。」不過古仔作為新一代香港電影「大亨」，他亦表示未來亦會多製作低成本電影，認為香港電影需要百花齊放。

四大天王之一的黎明，剛在個人社交網站宣布榮陞老竇，古仔說：「我真係恭喜佢啊！但我真係同佢唔熟。」（咁如果佢請飲你去唔去？）「佢請緊係去啦（咁唱唔唱歌？）我唔保證會唱。（習慣俾人叫上台未？）唔習慣啊，求下你哋唔好叫我啦。」

另一位有份出席今日開幕禮的，是日本女星田中麗奈，她笑言上次來港已經是10年前，當時是與朋友來旅遊，非常喜歡在香港吃中國菜及港式早餐，昨晚才抵港的她苦笑地說：「我昨晚才到港，後日就要走，應該冇機會行街食下嘢啦。」