【風再起時】翁子光新戲製作龐大 以好戲反駁成龍沒有香港電影論
2015年翁子光憑《踏血尋梅》平地一聲雷，一躍成為香港的知名導演，亦令大家對他的新作倍感期待。而今天開幕的影視博覽中，就有他的新作，由大地電影及美亞娛樂出品，美亞娛樂發行的電影《風再起時》發佈會，翁導聯同一眾主演，包括郭富城、譚耀文、周文健、徐天佑、林耀聲等一起出席，並與大家一起分享拍攝點滴。
郭富城︰演呂樂不簡單
《風在起時》的故事以「四大探長」為背境，亦即呂樂、藍剛、韓森、顏紅四位。以往四大探長的故事不時版翻拍成影視作品，如不久前的《追龍》劉德華便飾演呂樂(雷洛）探長一角。來到《風再起時》今次呂樂一角，正正由另一位天王郭富城擔任。
城城在台上與大家分享要演好《風再起時》的呂樂一點也不簡單：「點樣由唔貪錢嘅佢，演到叱咤風雲其實好有挑戰性。加上電影唔係順時序拍攝，有時一日要換三個唔同年代嘅衫，每個要搞成個鐘，我以為古裝先要咁！」為了拍好這部電影，身為影帝的城城也是出全力應戰，而且成品定必甚佳！因為當大會率先絕密播放預告片後，全場掌聲雷動，無一不被預告中展現的張力震攝。
【風再起時】郭富城梁朝偉演四大探長 揭60年代貪警縱橫黑白兩道【風再起時】四大探長由年輕講起 後生版梁朝偉郭富城係佢哋？
翁子光︰「香港電影最緊要係代表香港人」
導演翁子光接受訪問時表示，希望《風再起時》可以為香港電影注入新力量：「其實我覺得香港電影唔關佢係咪香港資金，或者係咪香港拍事，最緊要係可唔可以代表香港人心中想講，或者同香港人生活有關嘅嘢。所以我之前寫咗篇嘢去講成龍大哥，唔係想批評佢，佢有佢嘅道理。但你唔可以話香港電影已經冇咗。同埋一個地區或城市有責任將自己文化推廣到世界，又點可以話拍黃大仙就冇人睇呢？」香港電影需要大家支持與撐場，又怎能自己人先打死自己人呢？
比《踏血尋梅》花十倍心力
而問到拍攝上的難度，翁導就大談《風再起時》唔簡單：「比起《踏血尋梅》，《風再起時》難好多！《風》嘅野心好大，整件事係要用《踏血尋梅》十倍嘅時間先做得好，但因為時間所限，係好有挑戰性。」面對如此大製作，在炫目的成果背後，翁導與一眾台前幕後要花的心思自然比中小型製作要大得多，亦更令大家期待這部重頭戲！