【西遊記女兒國】港女陳雅麗漂泊北京等機會　「最難捱得一個人」

大陸市場對很多藝人來說是一個金礦，只要在港已捱出名氣，去到陸地都如魚得水，一帆風順。不過如陳雅麗般，以一張白紙身份走進內地由低做起，又是另一考驗。
6年前一個機會，星皓新人陳雅麗獲老闆提議，一個人去到北京讀電影兼在當地等待發展機會，期間連臨記都不放過。直至《西遊記‧女兒國》中可以跟郭富城、梁詠琪、趙麗穎等巨星同場，終於有種捱出成績的感覺。

探熱文化都有差異

6年前，大學畢業不久的陳雅麗，一直有做模特兒工作，亦開始有點成績有廣告接拍，就在同一時間，一個機會讓她認識到星皓電香的老闆王海峰，當時峰哥都想力捧她，但他提出一個兩難的選擇︰「佢想我更容入當地文化，提出話送我去北京電影學院讀書的機會，這個機會好特別，雖然心大心細，但都好想一試。」結果花了一個月時間思考後，便拖住兩個喼，隻身到北京讀電影，修語言學。

陳雅麗本身的國語麻麻地，去到當地未學習先鬧笑話。「剛到步兩個月時，發燒要去睇醫生，當時醫生俾一支探熱針我，我問都冇問就將探熱針放入口，醫生見到就同我講︰『放在腋下』當時我聽唔明，冇理會，然後他再用凌厲的眼神望住我講︰「放‧在‧腋‧下」然後我才意會原來北京人是放腋下探熱不放入口的。」雖然情況已經比拿錯肛探探熱針為好，「但我見到佢係咁易抹一抹支探熱針就放番入去，呢下都好嘔心。」

不過更大的文化差異是來自搭巴士，「我第一日等巴士返學，巴士一來準備上車時，突然一班人湧上來，我上不到車，於是乖乖地等第二班車。到第二部車一到，又是上不到，我在想點解唔排隊呢？結果到第三部車來到，我都不客氣，於是擠上車。」

「俾我揀多次，可能會卻步」

陳雅麗由最初聽不懂，說不好，到今次拍《西遊記‧女兒國》，已經能操一回流利的地道國語。「最初跟郭富城、梁詠琪、苑瓊丹他們合作時，因為是講國語對白，他們都不為意，直至我同Aaron講︰『我細細個都好鍾意聽你的歌，有著過印有你個樣嘅tee』佢先好驚訝咁同我講︰『點解你識廣東話？』」得知大家是香港人，大家都好照顧這位後輩。「丹姐（苑瓊丹）好照顧我，聽完我的經歷，就展現出一種想幫下我呢個妹妹仔的想法，教我演戲，又同我分享人生經歷。」

其實一個在北京生活，孤寂是最大的敵人，而且所有事由零開始，又未有收入，慳住使是首要條件。「公司沒有底薪，都是靠自己積蓄過活，頭一年未有收入，又不習慣當地的飲食，所以差不多日日都食杯麵，最慳係逼住自己一日只可花10蚊。自己由零起步，很多工作都是冇概念，你不知要做甚麼，又不知會遇到甚麼人，到時有沒有工作呢？所以我都好佩服自己當年的決心，呢刻再問我會唔會去，我都未必敢再揀了。」

鳴謝︰

髮型︰Nick Lam @Orient  
化妝︰Natalie soo @ndnco
服裝︰FCUK
場地提供：帝樂文娜公館DaDa Bar