【我的情敵女婿】葉念琛連四大天王都請到？ 「搵咗好多朋友嚟」
今年要數陣容最強的賀歲片的話，葉念琛執導的《我的情敵女婿》實在「冇得輸」！主演有劉嘉玲、任達華外，一眾配角以至客串的影星更是星光雲集，單是「四大天王」劉德華、張學友、郭富城、黎明齊集，就已經是多年未見而且值回票價的陣容。
今日（2月5日），《我的情敵女婿》由導演帶領一眾演員，包括任達華、王菀之、唐詩穎、姜皓文、方力申等，到達TVB電視城的飯堂，大派利是封予一眾辛勤工作的TVB員工。現場所見，雖然平素在電視線已見慣明星，一眾TVB員工見到華哥他們仍然相當雀躍，不少人爭相與他們合照，場面超熱烈，雖然利是當中冇錢，但大家都爭住要轉眼已被搶奪一空。
葉導碌盡人情卡
作為賀歲片，《我的情敵女婿》一如以往大堆頭之餘，連客串的演員亦強得不行，有四哥謝賢、鮑姐鮑起靜、容祖兒之外，有傳更有四大天王客串，到底是否屬實？導演葉念琛就不肯正面回答：「其實好多都係好朋友，而且大家一聽到賀歲片大家都會開心，亦比較樂於去參與呢件開心事。今次都碌咗好多人情卡，亦搵咗好多朋友嚟玩，呢個都係開心嘅事。」導演、演員拍得開心，觀眾又睇得開心，絕對係賀歲片帶來的win win雙贏局面！
《我的情敵女婿》今年選擇在情人節舉行首映禮，讓一眾本來苦惱如何渡過情人節而不被「劏到一頸血」的演員都有著落，不用再費神。像與妻子鶼鰈情深的姜皓文，就說：「今年唔洗諗節目，直頭去睇戲。我套套戲嘅首映老婆都會去。」可以在歡笑聲中過一個甜蜜的情人節，相信黑嫂也很滿意！另外小方方力申對於情人節進行首映亦表示：「正！可以唔洗諗去邊，又唔洗匿埋！」是否有新對像才要「匿埋」？小方就解釋「情人節食飯貴嘛！而且我一枝公出到去都冇咁嘅plan畀我，通常都二人套餐。父母又出去外遊，所以同導演同埋一班同事首映前一齊食餐飯都好開心！」看來對於情人節要工作，一班演員都亳無怨言之餘，更給了他們「平價」過情人節的機會呢！