【移動迷宮專訪】李基洪首日開工即黑面？Thomas：以為佢唔鍾意我

自2014年推出的《移動迷宮》系列(Maze Runner)，今年終於推出最後一集《移動迷宮：死亡解藥》(Maze Runner: the Death Cure)，這部三部曲電影橫跨超過5年，戲中3名主角，包括飾演Thomas的戴倫奧拜恩（Dylan O’Brien）、飾演民豪的韓仔李基洪（Ki Hong Lee）及飾演紐特的湯馬士波迪辛特（Thomas Brodie-Sangster）已由首集開拍時互不相識，來到最後一集成為知心好友，3人的兄弟情不言而喻，尤其是在Dylan經歷第3集的拍攝意外後，他們的關係更是密切，單是短短數十分鐘訪問已經感受得到。

首集《移動迷宮》推出時，相信影迷們對多名年輕主角都相當陌生，事關他們都是當年影壇新人，各自出生於不同國家，主角Dylan是典型的美國男孩，熱情開朗又貪玩；來自英國的Thomas則散發紳士氣派，雖然寡言但勝在笑容可親；而來自韓國的美籍韓星李基洪則個性內斂，說話時眉頭緊皺，相當嚴肅。

【移動迷宮3】主角齊集韓國記招　Thomas、Dylan百厭扮記者講韓文

2013年時，3人從未碰面，互不認識，「當時我接到片約後一直很緊張，因為是我第一部參與的大製作電影，我記得第一日行入片場，經過走廊到達廚房時遇到Dylan，他突然走出來問我要不要吃蘋果？我當堂嚇親。」李基洪笑言當時很緊張，「可以跟一班這麼大型的團隊和演員合作，我又緊張又興奮，除了因為真是第一次有這種機會，我認我當時神情係好嚴肅，係過份緊張啊！」

3人憶述指，他們並非同一天初到劇組，「我見到Thomas超興奮，跟他首次見面，他很友善，好熱情跟大家打招呼，我還記得他跟我說：『hey men!跟你見面我超興奮！』但Thomas剛好相反，他第一句跟我說的話是：『okay, nice to see you.』我有好一段時間以為佢唔鍾意我」李基洪說。在旁的Thomas馬上笑著回答：「我以為你唔鍾意我咋！唔係咩？」顯然地，李基洪雖然表情嚴肅，但卻是大家的開心果。

百厭的Thomas跟李基洪相處時，兩人就像英韓紳士「鬥認真」，不過遇著最百厭的Dylan時，兩人都隨即被他戲弄，「他正在拍攝特技場面，身穿特技戲服，當時我打算去廁所，沿路見到佢諗住同佢打聲招呼啦，點知我都未講完，佢就先同我講Hello，然後就跑走。」來自英國的Thomas外型予人相當紳士，不過原來3人走在一起時，他的話語便來得相當「直接」：「老實講，當時應該我打招呼先，但我真係好急尿。」他說罷，坐在身旁的李基洪臉上忽然露出「詭異」表情說：「點解你對Dylan咁友善，但係對我咁惡？」Thomas回答：「唔係唔係！只係因為你嚴肅得好搞笑。」

3個大男孩來自不同國度，因為一部電影走在一起成為知心好友，Dylan笑言：「這種機會，可能一生人只有一次，我好鍾意佢哋兩個！係我最好嘅朋友，這幾年的拍攝工作，我了解他們很多，現在已好像一個家庭了。」