爾冬陞主動公開女兒身份免被踢爆 「唔想被偷拍後用來起標題」
撰文：許育民
出版：更新：
日前金像導演爾冬陞（小寶）接受《香港01》訪問，公開自己原來有個兩歲大的女兒Teresa。今日小寶出席《金像獎》活動，被傳媒追問這件開心事。
問到為何選擇在這時候公開，小寶坦言事情總會被發現的一日，與其被偷拍到不如自己公開。爾冬陞說︰「我唔想到時被人起標題，話金像獎主席有個私生女。」
《香港01》獨家報道爾冬陞公開女兒事件後，小寶今日首度公開露面，自然吸引到大批記者追問。問到事件公開後可有引來不方便？「冇咩唔方便，自己唔係做幕前，其實都唔想公開談論私事，但做得呢行都好難避免。」事實上由於現場是金像獎記招，小寶本身都不願再談，但被記者追訪下都一一回應︰「我都知大家要交功課。」
這個秘密守了兩年，昨日終於釋出，可會有鬆口氣的感覺？爾冬陞說︰「沒有鬆口氣，一直都想搵個合適時間去公開，我唔想被偷拍到金像獎主席有個私生女，我知啲標題會點寫。係咪寫私生女我都唔介意，而家大家都知道就OK啦！」
囡囡兩歲大，識行識走，開始可以同爸爸媽媽四圍去玩，呢個正正係小寶要公開女兒身份的主要原因。「我都要去迪士尼㗎，冇理由戴個口罩去嘛。而且都開始要面試讀書，我都唔知（程序），冇經驗，要重新學習啦。體驗下，人生就係要體驗。」