【臥底巨星】陳奕迅親述點解打到喊：可能年紀大感性咗

《臥底巨星》戲中飾演動作巨星的陳奕迅（Eason）表示拍攝完之後，對動作演員更加尊重同欣賞，因為打人十分費力，節奏亦很難掌握，所以之前說寧願被打做反應配合比主動打人更好。他之後又在台上自爆拍攝時因醋意大發而落淚：「我拍拍下要離開兩個星期，去拍《中國好聲音》，再回來埋位拍嘅時候，發現導演（谷德昭）只要李榮浩做咩都係咁笑，我自己就吃力不討好，之後我拉導演埋一邊，講講下講到喊，好瘀。」谷德昭在旁笑言二人如同談戀愛，又解釋因爲李榮浩乃新人，所以需要鼓勵，說罷又錫返Eason補數。

訪問時，Eason表示落淚是因為自覺做得未夠好。「唔明白呢件事點解會發生喺自己身上，可能年紀大感性咗。」他將此事同劉浩龍，李榮浩分享，李榮浩等人談及，他們得知後都大為欣賞，因為換做自己一定唔會咁直接表示，覺得Eason係好演員。問到Eason點解會拍喜劇，他說《擺渡人》後，做了兩年多的巡迴，生活死板，後來在谷德昭的鼓勵下挑戰拍喜劇兼動作，而他為了戲中「醉拳720」，也苦練了三個多星期。