【搶紅】黎明自導自演兼自唱　與張涵予搞笑合唱宣傳曲《大寶》

黎明首部執導電影《搶紅》，將於1月18日上映，戲中首次跟張涵予合作，Leon每次同人合作，都會慣性地叫人唱歌，杜汶澤同陳小春都係因為咁而曾經屬Leon旗下，今次被黎明睇中的係張涵予，不單止一齊到法國邊開工邊暢遊，仲叫埋佢開金口合唱電影宣傳曲《大寶》。

呢首《大寶》，聽落同黎明一貫的作品大致不同，風格低死幽默，一開聲仲要係張涵予唱先，那把極磁性聲線，帶俾大家一份驚喜。今次部《搶紅》，由執導到主題曲，都係黎明一手包辦，問到點解心血來潮要做導演。他表示因為之前跟過不少優秀導演合作，累積了很多經驗，到今天能有一個機會拍攝一部自己感興趣的電影，仲搵到一群好好的演員和幕後團隊共同完成這件事，相當高興。

至於黎明的水準，由Leon自己講就唔多公道，交俾監製黃建新講講︰「他不像第一次當導演，反而較像一個職業導演。在現場要求得非常細緻，甚至每一個畫面都要求做到精緻。」從幕後花絮照可見，黎生無論在鏡頭前或鏡頭後都係一臉認真神情，專心工作的男人，就是型。

首次執導，當然要求比較高，但以黎明的性格，好肯定當中不乏幽默笑料。據看過電影的朋友說，戲內雖然有大量緊張刺激場面，劇情亦充滿懸疑，不過又不失大放笑彈。而呢種天生的幽默因子，在張涵予和黎明合唱的電影宣傳曲《大寶》，也展現出來。由曲詞到演繹，都相當搞鬼，務求帶給觀眾開心輕鬆感覺。