【午夜場】《史密夫決戰史密妻》撻著畢彼特安祖蓮娜　嗌交變拆屋

一部2004年的作品，將畢彼特（Brad Pitt）與安祖蓮娜祖莉（Angelina Jolie）這對金童玉女拉埋一齊，而且一拍即合，戲裡戲外都一樣打得火熱，最後更拉理天窗，育有6名子女。不過到上年9月，二人突然宣佈離婚，此情不再。

很多人記錯兩位拍《史密夫決戰史密妻》時已經係一對情侶，其實二人正正係因為呢套戲聚頭而成為一對。當時安祖蓮娜祖莉跟前夫剛剛離婚，至於畢彼特就與珍妮花安妮絲頓（Jennifer Aniston） 仍是夫妻，但這部戲令畢彼特心如鹿撞，於2005年便跟珍妮花分居，準備迎娶安祖蓮娜。

電影節奏明快，故事簡單直接，是一部不俗的娛樂電影。而且電影以偽訪問形式倒叙，由二人初相識到閃婚，然後為保持自己的神秘身份，兩夫妻上演一場「你瞞我瞞」。由於二人隸屬兩個不同集團，一次行動中竟然要刺殺同一目標，又由於二人咁高咁大，在互相箝制下任務失敗。直至不斷追查，先發現阻住自己搵食的其實就係枕邊人。

二人的關係有趣，而且都是躁底人，戲中因為小事一宗，就爭拗不斷，到最後竟發展成荷槍實彈的決鬥，而且下下搏盡唔留手。由一次耍花槍，演變成耍真槍，呢個情節非常難忘。