Kayan9896首度回應分手　被指豪門撻Q： 我自己本身都係豪門嚟

2025蛇年賀歲電影《祥賭必贏》，今日（8/1）舉行宣傳活動。有份參與演出的Kayan9896（吳家忻）都有出席，亦是繼去年底宣布跟跟「百億富三代」馬桂烽（Justin）分手後，首次公開露面。

問到Kayan9896分手過後心情平伏未？「已經平伏咗，不過今日又高漲番，因為宣傳電影。」就分手原因，Kayan9896表示是和平分手：「因為性格不合，都係時候各走各路，所以就和平分手。」

對於被網民指她豪門撻Q，Kayan9896先輕撥自己的頭髮，並笑言：「豪門撻Q？因為我其實覺得自己本身都係豪門嚟嘅，我都係後生女嚟，都係想拍下拖啫。」

Kayan9896在2023年與林家熙（Locker）分手後，2024年3月承認戀上薛芷倫與前夫馬清偉所生的長子、百億富三代馬桂烽，並離開「試當真」頻道。不過到2024年12月22日，Kayan9896突然發文宣布分手，並希望大家給予空間，又表示不作回應了。