破地獄｜衛詩雅向林家謙請教唱歌被拒　朱栢康望有獎︰直頭係需要

由黃子華、許冠文、衛詩雅、朱栢康、周家怡主演，導演陳茂賢執導的電影《破。地獄》，自上映以來，一直大破票房紀錄，而截止昨日（23/12），港澳地區票房更大破1億4000萬，更舉行千人慶功宴。其中衛詩雅、朱栢康、周家怡被問到可有機會拍續集，甚至拍喜劇版？衛詩雅更笑指︰「戲名叫《上天堂》？定直接叫《落地獄》。」

電影上映一個月，謝票活動仍在進行中，衛詩雅早前自嘲唱歌是生化武器，不敢用作謝票派福利，原來她早前有見到林家謙，並主動向他提出學唱主題曲《普渡眾生》，竟要食檸檬。衛詩雅︰「我真係有問，『家謙老師可唔可以教我唱歌？』但拒絕咗我，話佢唔係老師就走咗去，好失望要食檸檬。」

臨近年尾，大家又開始推算下年金像獎走勢，問到幾位想唔想提名或得獎，朱栢康直接回應︰「唔係想，直頭係需要，大家都希望有一個好好嘅成績表，能夠在電影事業上繼續打拚。」朱栢康近期有多部有份演出的作品，都一齊上畫，包括《久別重逢》、《誤判》等，被記者笑指是取代岑珈其，他說︰「超越就唔好，最好兩兄弟拍住上，佢行靚仔路線，我行型格路線。」