破地獄｜吸煙與健康委員會批評多吸煙鏡頭　網民反轟矯枉過正

電影《破·地獄》上映後票房節節上升，成為近期全城關注的話題，除了討論電影情節及演員表現，想不到更引起政府資助的法定團體關注及被點名批評，究竟部戲犯了什麼錯誤呢？

香港吸菸與健康委員會轄下Facebook專頁「無煙勢 • 待」昨日（18日）出Post，點名批評電影《破·地獄》「有唔少食煙嘅鏡頭」，貼文中提到：「煙草業為咗將吸煙塑造成時尚、有型，吸引青少年，喺90年代，唔少煙草品牌經常贊助電影製作，令以前唔少電影出現吸煙行為，甚至清楚展示煙草名稱同標誌，更加有唔少吸煙嘅特寫鏡頭，而且往往引導觀眾形成『吸煙可以解決問題』、『吸煙有型』嘅觀念。

貼文續道：「呢啲根深蒂固嘅錯誤觀感就潛移默化成為咗電影慣常拍攝之一，結果令拍攝者同觀賞者透過反覆輸出同接收呢啲吸煙鏡頭，令大眾仍然認為吸煙係冇咩大不了嘅行為」，最後提到「希望任何電影同其他藝術表演都可以避免吸煙嘅劇情」。貼文一出吸引大批網民留言，不少人指出這種批評未免太矯枉過正，亦有影響創作自由之嫌。