鄭秀文買飛入場撐香港電影　最終揀睇《焚城》定《破‧地獄》？

最近因為有電影《焚城》及《破‧地獄》，兩部話題大作上畫，令香港電影市場再次熾熱起來，大家見面都會問睇咗邊套未？係咪好緊張？係咪好好喊……今日，天后鄭秀文（Sammi）都同樣支持香港電影，在個人IG上載自己買飛入場支持，咁到底Sammi會撐邊套呢？

從影片所見，Sammi從戲院出來，手執電影宣傳品，便急不及待拍片同大家分享︰「啱啱睇完《焚城》，啱啱睇完《焚城》，跟住有時間會睇埋《破‧地獄》。」原來係兩套都支持。

其實Sammi同劉德華及黃子華都有合作過，華仔更加是銀幕情侶級別，合作過《孤男寡女》、《瘦身男女》、《龍鳳鬥》、《盲探》等，而黃子華，都有合作過《失戀急讓》，飾演其前夫。況且兩部都是有質素電影，當然要雙雙支持。