祥賭必贏︱邱士縉首演賀歲片未敢爆肚　備戰籃球賽︰姿勢型就係型

2025年香港賀歲喜劇《祥賭必贏》，由伍健雄監製、羅耀輝執導，張繼聰、阿Sa蔡卓妍、「大表哥」Stanley邱士縉、吳家忻（Kayan9896）、朱栢康及楊偉倫等主演。電影今日（12日）舉行開鏡儀式，首次單獨主演電影的大表哥Stanley，受訪時分享與阿Sa在劇情飾演姊弟，拍攝時對手戲份亦最多！

Stanley受訪期間，笑言張繼聰不斷爆肚加對白令自己笑到喊，但卻未敢跟風一齊爆肚：「我冇佢咁叻呀！佢加對白實在太犀利，好值得學習下！」劇情中與阿Sa最多對手戲，Stanely卻表示未有機會切磋賭技，至於阿Sa受訪時自爆打牌僅一兩蚊上落，大表哥卻語出驚人：「打牌打好細？我聽返嚟唔係喎！至於夠唔夠膽同佢打，佢邀約我打牌就一定要去啦！」

MIRROR成員與張繼聰組隊參加「903籃球賽」，自己亦拍攝過練波片段，笑言有抽起射波失準嘅畫面，但表示有型最重要：「唔入嘅當然冇剪出嚟啦！但姿勢呃唔到人，型就係型！」但表示會自己相當謙讓，覺得實力仍稍遜隊長張繼聰。