東京電影節｜翁子光感觸多謝好友谷祖琳參與演岀：圓咗個心願
撰文：陳穎思
出版：更新：
於本屆東京電影節入圍主競賽單元、競逐「東京櫻花大獎」的香港電影代表《爸爸》，昨晚（31日）舉行映後問答環節，導演翁子光與主演谷祖琳及蘇文濤均有現身。
導演表示首次參加東京電影節，感到十分榮幸，有別以往強烈的獨特影像風格，《爸爸》著重於呈現家庭故事，是他個人一大改變。18歲新人蘇文濤擔當關鍵角色，他透露一開始有困難，掌握不到如何演繹思覺失調角色，後來發現其實呈現兒子身份更重要，將自身與父子關係套落角色中，就發現有不少相似之處，雙方有矛盾又會互相關心。
女主角谷祖琳感謝導演找她演出最喜歡的作品，擔當的角色聽落易又難：「要掏空自己，投入角色後每一刻都在其中，同好厲害嘅劉青雲先生合作，有時未Action已經喊，現場氣氛好好」。
翁子光最後特別感謝谷祖琳：「今次呢部電影，除咗劉青雲同蘇文濤，多謝我最好嘅朋友谷祖琳，佢正正係家中曾發生同類悲劇，好鍾意谷祖琳演員，拍呢部戲好似圓咗個心願。」