焚城｜與周文建29年後再合作　王敏德回應被李國麟猛叫自己個名

王敏德和周文建早年原時在電影上有合作，相隔近30年，二人再次在《焚城》交手，二人昨晚（24日）接受訪問時，都忍不住想當年。「我哋喺《痴心的我》已經好壞，溝女、食煙，我溝過李麗珍同羅美薇。」周文建又指二人私下有約見面，所以並不陌生，而今次再在《焚城》合作，除咗無所不談，原來仲嘗試還原當年《月黑風高》嘅爆肌照。「我哋試過，但好老土，所以無用。同堆我而家得1 pack（腹肌）。」

提到早前愛國藝人李國麟，參觀大英博物館時，見到每一件展覽品時句句都是「我們的」，但由於發音問題，唔少網友都聽成「王敏德」，王敏德就完全不知情，仲話好耐無被人叫「王敏德」，「而家好少人嗌我呢個名。」取而代之係「鬼佬」，雖然《飛虎》時曾有金句「don’t call me鬼佬」，但結果更多人叫自己「鬼佬」。