麥玲玲拍葉念琛賀歲片演魚蛋妹兼做製片：我要幫導演借景

麥玲玲同導演葉念琛是好朋友，葉導開新戲玲玲姐必定支持。（陳順禎攝影）

葉念琛賀歲電影《麻雀女王追男仔》今日（19日）舉行開鏡拜神儀式，身為導演葉念琛好友麥玲玲當然有拍攝，戲中有惡搞《九龍城寨之圍城》場面，而玲玲姐就飾演魚蛋妹，而除了演員亦有另外一個身份，她說：「你知拍賀歲片好怱忙㗎，我又要幫導演借景（拍攝場地），我其實係製片嚟㗎⋯⋯哈哈，導演通常打嚟就話『喂我要寫字樓景，一間大屋同要一條圍村』我要幫佢組合呢啲嘢，咁佢有時唔好意思，咁咪俾返個角色我做囉，所以佢就決定我做魚旦妹呢個角色。」

麥玲玲姐飾演魚蛋妹，龍捲風就由許紹雄飾演。

這套電影除了賀歲亦有打麻雀元素，但原來麥玲玲很少打牌，她說：「我好渣識打麻雀嘅，拍拖嘅時候老公教咗我少少，任何坐低，坐定定嗰啲就唔識玩嘅，但我老公打牌就叻嘅，佢教我打牌好簡單，第一阻人食糊，第二就係自己食糊，嗰時聽到覺得好有道理，但其實係人都知啦。」

葉念琛，阿Bob都是麥玲玲的好朋友

麥玲玲在新戲中除了當演員，更當製片幫手借景，今日更主持拜神儀式。

葉念琛開戲必定預角色俾麥玲玲。