焚城|謝君豪魏浚笙何啟華爆肌拍MV 吸引鄰校師生齊尖叫獲派福利
撰文:許育民
出版:更新:
香港首部輻射災難電影電影《焚城》,將於11月1日上畫,今日(18/10)戲中的6位猛男謝君豪、魏浚笙(Jeffrey)、何啟華(Dee Gor)、林家熙(Locker)、梁仲恆和黃愷傑,齊齊現身消防局,為戲中的歌曲《一世隊友》拍攝MV。6位更齊齊以背心亮相,大騷胸肌及麒麟臂,而接受訪問時更引來附近中學的學生圍觀,並隔住條馬路尖叫,連老師都遠遠在拍照,場面非常熱鬧。
電影煞科後,幾位因為拍攝MV,有機會再次穿上消防隊的黃金戰衣,紛紛憶起拍攝時熱到大汗淋漓的感覺。而幾位所唱的是改編自陳奕迅《最佳損友》的《一世隊友》,本身首歌在戲中是一班消防員邊沖涼邊唱,但據知部分畫面刪走。Dee Gor︰「可能唔應該大嘅地方大,要大嘅地方又唔大,例如三頭肌。」而Jerffrey就率先爆料,在MV中,豪哥應該會濕身同除衫。
今次更加是Locker林家熙第一次唱歌,對於獲女友邱彥筒(Marf)讚有跳唱天份,他認真說︰「我真係鍾意唱歌,不過真係純粹唱。」Dee Gor更獻計創作首《Locker裡的男人》,仲話會幫手填詞。」
Dee Gor早前在IG炫耀自己考車筆試及格,今日便即場揶揄曾經筆試都肥佬的Jeffrey。Dee Gor就透露因為考試前自己試做了5次題目,最後全部都及格,所以極有信心。問到對出年的路試有否信心,Dee Gor就以奇怪立論認定自己會一Take Pass冇問題︰「因為考筆試同考路試都係用手,所以一定得。」但身邊的豪哥隨即突破盲腸︰「我就覺得佢會唔及格,考路試用手,唔使用腳踩break呀?」引來全場爆笑。