周星馳點評王晶執導手法 不滿《整蠱專家》結局:我自己衰

撰文:陳穎思
出版:更新:

最近王晶每星期都更新個人YouTube談話節目《笑看江湖》大爆影圈秘聞,當中最高收視的內容都與周星馳有關,跟星爺合作多次,由票房保證的拍擋到反目成仇,王晶連番指對方不是,成為網民「食花生」的熱門材料。

王晶每個星期都在YouTube節目爆料,之前仲搵埋關秀媚做嘉賓。(影片截圖)

一向絕少回應批評的星爺,其實不下一次公開談及王晶,最近又有他以前在訪問中評論王晶執導手法的影片在網上流傳,內容直接得來又有少少暗示:「王晶係好快趣,無論個演員做乜都好,對白講成點都好,佢都係『OK!收工!』,呢個係我非常非常之佩服佢嘅,冇人可以做得到,都係佢好主要嘅特色,王晶亦都係代表咗香港某一類型電影,有佢嘅代表性。」

根據周星馳的說法,他有份參與《整蠱專家》的創作。(電影截圖)

星爺亦提到拍攝《整蠱專家》的一些內幕:「《整蠱專家》我相信係其中一部,以佢嘅作品嚟講,係一部幾重要嘅作品,我覺得我同佢喺呢部戲裡面係,大家溝通得好好,當然除咗部戲嘅最後,Ending(結局)嘅時候,坦白講我係覺得唔滿意囉,我覺得可以再好啲,點解佢拍得唔好呢,我覺得都係我嘅錯,我自己衰,我諗得唔夠好,同埋王晶又收貨嗰度衰,其實佢應該唔收貨,應該要求我好啲,咁咪會好啲囉」,究竟星爺係怪自己定怪王晶呢?

星爺說不滿意《整蠱專家》結局,是否指他分飾的「古晶」母親與吳孟達重逢一幕呢?(電影截圖)

而王晶本人亦曾受訪提到製作《整蠱專家》的過程十分趕急:「一開始只有劉德華、周星馳,《整蠱專家》十個字,7天後就要開拍,個半月後就上映」。縱然時間有限,王晶指劇組很努力去完成這部片,先用四天時間完成分場,每天拍攝都在趕進度,他每日只睡兩、三個小時,最後拍了大約30組就殺青,他還特別感謝星爺與劉德華幫忙不少。