尊尼特普現身巴哈馬與酒保同樂　身體一驚人變化引網民熱議

荷里活影星尊尼特普（Johnny Depp）近日身在巴哈馬渡假，網上流傳一段他跟當地酒保一起拍攝的影片，二人言談甚歡，互相勾肩搭背笑得十分開懷，粉絲感嘆走出離婚官司陰霾的尊尼特普終於回復最佳狀態，而其身上一驚人變化就引起網民熱烈討論。

去年尊尼特普被指成棚變得又黃又爛，看似有嚴重牙齒問題，看上去相當不美觀，大大影響其有型靚仔樣。相隔一年，尊尼特普於巴哈馬的影片中，被發現成棚牙變靚晒，成個笑容都Sharp醒不少，網民紛紛留言表示：「成個人望落好健康，棚牙又靚晒！」、「棚海盜牙終於消失啦，白雪雪好好睇」、「就算佢冇晒啲牙我都愛佢，但而家就更好睇」。