里安納度狄於比奧南法食飯豪畀六位數貼士　最新身家總數十分驚人

荷里活巨星里安納度狄卡比奧（Leonardo DiCaprio）日前於法國南部某餐廳食飯，竟給予服務生5萬歐元（約43萬2000港元）小費，令對方激動到當場落淚。

里安納度狄卡比奧近日與模特兒女友Vittoria Ceretti在南法渡假，法國電視節目主持人Benjamin Castaldi爆料指親眼目睹里安納度畀天價貼士：「呢單嘢係真，我親眼見到！份貼士成5萬歐元！佢有張我哋呢位都唔會有嘅信用卡，係空白嘅，冇銀行名、冇姓氏，乜都冇，想碌幾多錢就碌幾多」。

Benjamin Castaldi指該名服務生激動到當場喊出嚟，在場所有人都非常震驚。據悉，里安納度狄卡比奧現時身家高達3億美元（約23.4億港元），一部戲片酬3000萬美元（約2億3400萬港元），畀幾十萬貼士不算過份。