關秀媚激罕上王晶節目談吳彥祖激情戲：導演要我隻手插入佢PatPat
撰文：莫匡堯
出版：更新：
香港資深喜劇導演王晶，於個人Youtube頻道《王晶笑看江湖》第三輯節目中，請來九十年代港產女神關秀媚本尊現身節目，大談合作經歷以及經典作品。其中，關秀媚提及於2001年作品《知法犯法》與當年的小鮮肉男神吳彥祖的香豔親密戲份，更令初出道電影圈的吳彥祖怕醜到面紅！
關秀媚提到在《知法犯法》對手戲份：「同吳彥祖拍嘅時候，我記得佢面紅呀！我就同佢講『陣間我摸你呢到、呢到（手臂、肩膊、臀部及大腿）』咁導演就要求我隻手插入佢patpat到！我結果冇咁做，因為佢塊面太紅喇！」笑言要讓吳彥祖冷靜下來，最後則以鏡頭角度交代。