《死侍與狼人》《玩轉腦朋友2》稱霸暑期　迪士尼破30億美元大關

踏入８月，暑假檔亦過了一半，今年重頭戲都係睇迪士尼兩部大作，《死侍與狼人》（Deadpool & Wolverine）及《玩轉腦朋友2》（Inside Out 2），結果兩片票房都甚為理想，其中合家歡的《玩轉腦朋友2》，香港及澳門累積票房達HK$81,200,657（截止5/8），穩佔本年度外語片第一位。

至於由 「死侍」賴恩雷諾士（Ryan Reynolds）和「狼人」曉治積曼（Hugh Jackman）合力打造的Marvel Studios《死侍與狼人》，自公映以來，口碑及票房都表現強勁，縱使受電影列作三級所限，但依然無阻熱潮。電影僅上映13天，香港及澳門累積票房就以HK$38,211,951，榮登本年度外語片第二位。

事實上，今年迪士尼先後都發行多部電影，而累計埋《死侍與狼人》及《玩轉腦朋友2》的表現，就令迪士尼成為今年，首間電影製作公司狂收全球30億美元（約233億港元）票房。

另外，由即日起，憑戲票2張即可免費換領盲盒「腦朋友鑰匙扣」一個，一共9款。呢套盲盒仲只限戲院換，不會作公開發售，想儲齊或者抽中心水專員，要搵埋朋友二、三、四、五刷！