「大軍」程東現身香港狀態大好　定居廣州多年笑稱「無穿無爛」

曾於周星馳電影《賭俠》飾演單眼佬「大軍」嘅程東（本名︰程獻棟），今日激罕現身香港出席活動，他接受訪問時透露現定居廣州，並笑稱自己喺香港成失蹤人口。「上咗國內差不多20年，之前拍咗部《鬼吹燈之南海歸墟》，最近喺馬來西亞拍完另一部，有吳岱融、Benz雄（許紹雄），係一個江湖網劇，年底會上架。」

「大軍」程東今日難得見到一班老友，即被大佬B捉住問責︰「點解咁耐無出現？」 大軍解釋早前他出席大佬B嘅「志雄廚房」幕後，有傳他是股東之一，頻頻被問︰「幾時請食飯」，加上剛好有工作在身，所以決定避避風頭。提到國內生活，「大軍」程東指國內市場較大，較可容納香港演員，而自己則︰「無穿無爛，爛咗就補補」 。

「大軍」程東雖然工作重心在國內，但原來他早年曾獲邀參與一部億元鉅製電影，他大讚導演十分有心，特意搵一輩老前輩開工，而他口中所講嘅「好老闆、好導演」就是Juno麥浚龍，有傳其執導嘅《風林火山」》有望年底上映，如果成事，「大軍」有望再電香港大銀幕。