九龍城寨｜伍允龍爆紅成最強筍盤　5年前暖心發言獲激讚：嫁得過

電影《九龍城寨之圍城》掀起全城熱話，一眾主角亦因此而人氣急升，飾演大反派「王九」的伍允龍戲內兇殘成性，人人得而誅之，然而現實中的他是個彬彬有禮的大暖男，連舊愛鍾嘉欣都封他為「筍盤」。近日一段伍允龍的舊訪問片段在網絡上瘋傳，其暖心發言獲網民一致激讚，不少「絲打」更表示：嫁得過！

舊訪問來自6年前，當日伍允龍與王浩信及何遠東擔任節目《美女廚房》嘉賓，期間何遠東狠批參賽者之一的菊梓喬廚藝差：「我平時都幾Nice，但我頭先已經冇留情，因為我覺得唔可以咁唔尊重食材，點可以令到原本食材好食，煮完出嚟更難食，我覺得It doesn’t make sense（唔合理）」。

點撃睇完整對話

伍允龍接著說：「其實你最唔客氣係咩呢，係未煮之前，你批評人哋嘅身形」，何遠東反駁說：「真係嗰個Shot影到佢麒麟臂咁樣，點知一開閘，原來係佢嚟」，同一時間伍允龍露出無奈表情。網民大讚伍允龍有修養，睇唔過眼菊梓喬被何遠東人身攻擊，女網民就認為伍允龍是尊重女性的暖男，稱得上是好老公人選。