荷里活巨星湯告魯斯（Tom Cruise）雖然已年過60，但多年來身材、樣貌與體能皆保養得宜，拍高難度動作場面仲有心有力，堅持要親身上陣超高難度動作場面，相當厲害。湯告魯斯疑似發福？（視覺中國）不過，正所謂「再鋒利嘅刀都有生銹嘅一日」，近日湯告魯斯被外國媒體捕捉到疑似發福走樣，日前他現身倫敦準備登上直升機，身穿緊身灰色Polo恤，乍看身形似乎比之前脹了不少，網民驚訝他有「肥仔波」，直指男神崩壞。不過亦有人指出湯告魯斯仲有腹肌，「肥仔波」其實是胸肌，以已過花甲之年來說，已經鍛鍊得相當不錯。
