金像獎2024︱梁朝偉六度奪影帝 劉嘉玲：好多人會話又係佢啊？
撰文：關穎賢
出版：更新：
香港影壇盛事《第四十二屆香港電影金像獎》現正隆重舉行，古天樂與袁詠儀驚喜亮相頒發，由於原本的頒獎嘉賓劉青雲因病而未能出席，就由古天樂頂上組成《新不了情》CP。梁朝偉相隔15年第六度奪影帝，由於梁朝偉身在外地拍戲，獎項由劉嘉玲代領，而梁朝偉亦有網上連線參與頒獎禮。
梁朝偉得悉奪獎時即害羞掩面，表示很高興能夠再度奪得影帝殊榮，更與在現場的劉嘉玲Sweet爆耍花窗，感謝太太多年來的鼓勵和支持。劉嘉玲在老公講感言期間，搞笑插嘴問：「阿梁朝偉，我可唔可以講兩句？」梁朝偉則回應：「得啦嘉玲姐。」其後劉嘉玲感動說：「我知道梁朝偉攞獎，好多人會話又係佢啊？畀啲機會人啦。我咁多年喺佢身邊，佢真係好偉大嘅演員，普通一個演員會付出100分嘅努力，但佢付出咗500、1000分嘅努力，香港有好偉大嘅演員。」梁朝偉怕醜表示自己只是一個好演員，稱不上是偉大演員，更表示：「唔好咁講，唔好咁講，OK啦。」