金像獎2024｜梁朝偉憑《金手指》六度封影帝　自爆夫妻之道靠二字

《第42屆香港電影金像獎頒獎禮》現正舉行，本屆最佳男主角競爭尤其激烈，最終由梁朝偉憑《金手指》勝出，繼《重慶森林》、《春光乍洩》、《花樣年華》、《無間道》以及《2046》、相隔19年後再度封帝。

近幾年梁朝偉的演藝事業再創高峰，除了靠演技外，擔任經理人的太太劉嘉玲亦應記一功，二人由拍拖到拉埋天窗，攜手共渡三十多年，無論感情或工作上都十分合拍，偉仔接受鄭裕玲訪問時曾透露夫妻相處之道：「其實佢對我真係好遷就，我好孤僻㗎嘛，又好少陪佢。久唔久我都會陪下佢嘅，同啲朋友出嚟（鄭：睇下紅葉啦）係啦，聚下餐呀」。

縱然與太太性格迥異，偉仔一再強調要互相尊重：「但係我有時真係好怕啲好多人嘅場合。佢就鍾意熱鬧，我就鍾意靜啲，不過我覺得都係互相遷就、互相尊重嘅啫！」在公在私，偉仔對於劉嘉玲都十分信任，曾表示另一半十分了解自己喜歡什麼，挑選劇本的重任都交給對方，自己再作最後決定。