台灣地震｜朱栢康睡夢中震醒以為冇事　朋友致電先知大件事

今早（3／4）台灣花蓮發生7.3級地震，是自1999年「921大地震」後，台灣25年來最強烈地震，身在台灣拍攝電影的朱栢康（朱康）都因為地震從睡夢中驚醒，他就即時錄音向外界報平安。

朱康回應時表示自己喺台灣經歷咗一次，人生遇過最大嘅地震。「我都係喺睡夢中被震醒、搖醒。醒咗時候仲喺度諗，地震喎，台灣有地震都正常，跟住繼續瞓喺床上面，完全無任何行動。直到地震一直都無走過（餘震），我先開始驚，覺得要起身，著返條褲，喺度諗點做，係咪要走出街，定匿喺枱底，然後地震停咗。」

震完之後，朱康就陸續收到台灣朋友短訊及電話，問有無事，「才知道今次地震原來咁強勁，佢哋自己都好驚。」朱康事後亦有走到戶外，指市面狀況暫時一切正常，他希望地震並無造成太大傷害，願當地朋友及市民平安。