網絡紅物 meme：3秒講一件事
咩係Meme？
Meme已經成為網絡世界一種瘋行語言，但係講起Meme嘅真正意思，仍然係冇標準定義。維基百科解釋為「一個想法，行為或風格從一個人到另一個人的文化傳播過程。 」例如，最初可追溯到1990年代的Usenet等新聞交流組，Meme其實係啲人喺email、chat room或者forum想透過網絡現成圖像去令到交流更豐富，就會attach啲中point嘅圖去製造共鳴位，對方一get到就會覺得有feel，成個通訊即刻有晒畫面，所以其實就係類似emoji嘅功能。
Meme呢種交流嘅重點就係「互動性」同「自主」，唔似傳統嘅報紙、電視或收音機、廣告等等，受眾只係被動地接受遭到多重過濾嘅資訊，而且通常都係帶有好正經嘅價值判斷或者係商品推銷嘅意圖嘅內容。有咗網絡創作，新一代人有另類選擇，開始唔接受咁被動地相信公司機構所製造出來嘅資訊。
近十年，隨住行動網絡、資訊搜尋、社交平台嘅迅速發展，造圖技術又普及起來，大量現實上嘅現象同文化開始轉化成網絡資訊格式，Meme自然同現實生活結合，信息千變萬化。好多時，同一件事，新聞媒體可能用幾百字去講，目的就係為咗令人知道。相比之下，為咗抗拒沉悶冗長嘅詮釋，網民用一張圖就可以捉住事件要點，甚至將事件演繹為一種情緒，令對方更易代入，認同的話再share出去，達成一種情緒共享。
除了現實事件的再詮釋，網民很多時亦會將日常生活中的細微時刻化為Meme，將一些為人所忽略，但又廣為共享的鎖碎經驗透過惡搞和二次創作分享開去，作品可以是廣告的挪用扭轉原本意思，例如將周星馳的電影截圖配上名牌時裝的logo造出違和的美感；亦可以係一個電影cap圖表情，透過人面表情去擷取生活中的喜怒哀樂，李安納度在大亨小傳自信地微笑舉杯的連環圖和烏蠅那句「你食屎啦」就曾廣為傳用。
來到今天，Meme已經係一種被習已為常的表達方式，在facebook上各種Meme group遍地開花，不同的網絡族群就住自己的身份認同也會製造屬於自己niche的Meme，哲學、misfit仔女同享社交困難、追捧芫茜、劣食劣煮、貓狗心靈等等的。當中的共通點都是，丟掉教化和功能性的前設，用生活和影像捕捉共鳴。
反完美反體制反知識反嚴肅，但係好真實好Real，所以有共鳴。如果今日嘅人每3秒就要吸收一個資訊，一個感覺，Meme3秒就滿足到你。如果文學是有關生活的啓迪或經驗共享，Meme就是不用閱讀的當代文學。