公屋港女呻迷信阿媽嘈「撞鬼」要搬　一個方法查私樓公屋係咪凶宅

在香港一般申請的公屋輪候時間平均都要約6年的時間，要上樓並不容易，有網民於討論區發文表示自己一家4口好不容易才分配到一間4人公屋，但阿媽極度迷信，自從在家中跌倒後便開始疑神疑鬼，連聞到間屋有味都覺得「有鬼要搞佢」，令Po主家中日日都家嘈屋閉，不知如何是好...

有網民於連登討論區以「我媽覺得屋企有鬼想搬，可以點算?」為題發文，Po主表示自己與家人好不容易才上到一間4人公屋，而Po主阿媽是一個極度迷信的人，平時好鍾意聽「師傅」講故事。雖然不知間屋有否曾有死過人，但阿媽卻不知從哪聽聞該間屋之前有一個婆婆心臟病發過身。自從阿媽於家中跌倒後便一直覺得有鬼要捉弄她。更整天表示「瞓唔好」，瞓的時候有鬼「搞佢隻腳或頭」，而當房有「燒焦味、撈麵味、香味、臭味」，Po主媽媽都表示這些都是「提醒你唔可以住人」，因而要搬屋。

Po主表示，自己覺得阿媽所說的味道只是「樓上樓下的食物味」，「香臭味」則是房間的香薰影響。他自己與阿爸並不相信靈異方面的是，亦覺得一家四口，「鬼唔會淨係搞佢掛」，但不論他們說甚麼例如「凶宅的人住到依家都無事」，連床的位置，房燈的形狀，房應該貼和放甚麼，甚至他們要三個人逼在一間房睡等等，都依阿媽的說法能換的則換，能變的則變，甚至做了法事，但阿媽認為隻鬼請出去後「又返咗入嚟」，堅信間屋有問題「要搬屋」。

Po主認為甚麼都可以遷就，但「搬屋真係好難遷就」，因「真係等咗好耐好耐先等到4人單位」。而近日事件越吵越大，阿媽無論如何都「堅持自己的諗法」，更想直接拉他的妹妹去另申請一間公屋，令Po主十分無奈。

貼文一出即引不少網民討論，有網民表示「同你啊媽講窮仲驚過鬼啊」，「鬼要搞都唔會淨搞佢一個啦」，亦有網民指Po主阿媽很像患有思覺失調症「你check下思覺失調症狀 … 會聞倒奇怪氣味…」，「思覺失調：妄想、幻覺、失眠」，建議Po主帶阿媽看精神科醫生。但有網民則指「那怕係心理作用，你care 佢身心健康就搬走啦」，否則很有可能會令Po主都有心理問題。有網民則回應公屋凶宅問題表示「自然死唔會變兇宅，通常都唔會講」，「上網唔係有得查咩」。

其實政府每年都會將公屋凶宅列入「特快公屋編配計劃」，並會將其列入可供挑選單位名單，不論單位是發生自然身故或是意外身故事件，都會列名於名單上。除此外，網上亦有不少地產網站可供大家查找凶宅，網站大多會列出單位的名稱和座數等等，並會列出單位所發生的事件簡單描述。

《開罐》亦有向地產經紀詢問，經紀表示大多地產經紀都會溫馨提示買家單位有否曾發生死亡事件，但他們並沒有責任要提前告訴買家，因而若果大家對單位有疑問的話謹記要自行詢問。買家或租客若想能保障自己的話可以向業主提出一個額外條款，來證明「出售單位並沒有非自然死亡，如經查證有個案發生此交易自動結束」，則可以保障購買方和租客。