香港連鎖麵包店驚見11個CCTV被笑超似金舖　街坊揭一個證據或關事

麵包是不少港人早餐醫肚的好選擇，總有一間在左近，不過麵包店內竟有樣物品令人搲晒頭？有網民在連鎖麵包店抬頭一看，竟然有多個CCTV「監視」店內情況，而且被指不止一間分店有同樣情形，引來街坊熱烈討論。

FB有網民在「將軍澳主場」群組分享，指自己去A-1 Bakery（A-1）買麵包時，發現了一件神奇的事情，就是店內裝有8個閉路電視（應為11個），佈滿天花板！網民坦言：「你唔係賣珠寶喎，你係賣麵包，使唔使咁多CCTV呀？」

有網民搞笑指：「佢表面係一間麵包店，其實佢賣金㗎」、「新都城一期分店仲多，我以為自己去咗賭場」、「係咪暗示有好多採包賊」。有人認真研究CCTV的作用，街坊指可能是店舖用來監察員工有否整齊擺放麵包、貨品是否充足等，亦有人笑指樓主見到11個CCTV已不算多，「藍田啟田24枝（閉路電視）」、「油塘嗰間有16個」。

👉打工仔酒樓飲茶叫某點心嚇窒外國老闆！網民：叫呢樣佢可能會反面

👉食客轟餐廳「拒收毫子」卻找毫子　拒收散紙犯法嗎？法例原來咁寫

此外也有人透露，見到A-1有分店新增了自助付款機：「可能真係會變做無人店或減人手，見佢近期有部機收現金，自助找錢，同埋啲包唔使職員入機，放低麵包就會自己計總數。」

A-1 Bakery回覆《香港01》記者查詢時指，安裝閉路電視「主要作保安用途及用於貨品管理，以確保貨量適切配合顧客需求。為釋除到訪人仕的疑慮， 敝司已於分店設有閉路電視之位置張貼其運作中的告示；同時，製訂嚴謹之紀錄存取指引。」