港男娶老婆被要求50萬禮金　外母只回$18000利是　專家揭回禮公價

【結婚/聘禮/禮金/回禮】有網民被外母要求50萬禮金娶老婆，最後只回禮$18,000的利是，差額達27倍，其實聘禮和回禮的金額以及排場又有沒有標準呢？專家教結婚要慳錢又夠體面其實唔難！

👉網民期待晚市重開打邊爐　K.Kwong教揀筷子邊邊：用錯隨時膀胱癌

網民「前來Cute馬」近日在香港討論區發文，指自己娶老婆給了女家50萬禮金，但外母只回禮$18,000的利是。樓主透露自己月薪10萬，但外母硬要50萬禮金，而且未計酒席、戒指等費用，結果遭其他網民恥笑：「一個傻仔做完一件蠢事，之後先去問人係咪蠢咗」，更叫他「試下講唔結婚住，外母仲心急過你」。

👉105KG女生「五不吃」減肥法8個月勁減40KG：粥和蒜頭都要戒！

其實男家聘禮金額方面有沒有指標，而女家回禮又有甚麼要注意呢？Taste Wedding負責人Jessica就表示：「其實禮金都係心意，始終而家同古代唔同，婚後個囡都會畀家用娘家，唔係潑出去嘅水，同娘家再冇關係。」

👉減肥一定要戒食麵包？白飯麵包熱量大比拼　日媒揭吃這東西更易瘦

Jessica平時都會提供女家回禮物品清單給新人參考，她指出部份為取好意頭，故不要太馬虎：「新郎嘅禮物，即係姑爺皮帶、褲、銀包等等，其實係反映佢未來嘅財富，所以外母唔好求其買。一來有紀念價值，二來佢負責賺錢養屋企，攞意頭等個囡生活得好。」

有些回禮現今社會則可以省略，「鬆糕大發寓意甜甜蜜蜜。其實啲糕餅都幾多，如果食唔晒唔買都可以。另外老爺褲奶奶裙都可以用利是代替，金額多少就睇外父外母有幾尊重親家。」

👉168斷食法｜減重師揭2大黃金進食時間：朝早食炸雞、用花生油都得

同樣地，回禮利是也視乎個人財力，「當然多啲錢會體面啲，不過都冇話好似以前咁一定要畀返禮金一半錢，其實個金額好意頭就OK，樓主呢個Case有$18,000都叫符合要求。」

聘禮和回禮同樣講求排場，Jessica認為回禮利是和禮物要成正比：「當然我唔太建議一切從簡，但如果真係想咁做，送少啲禮物之餘，利是都唔好包咁多錢，兩邊要成正比。」一般人過大禮的話，即使再簡單，媽媽最基本都要有一對龍鳳鈪給女兒才叫做恰當。

同場加映：人情公價2022｜酒店價升至$2,000！酒樓/午宴/雞尾酒會最新價目表

【人情/2022人情公價/人情公價/結婚/婚宴/婚禮】4月21日起政府放寬社交距離限制，可舉行最多20人的婚禮、婚宴和餐飲宴會，相信陸續會有準新人送「紅色炸彈」，立即看看2022年人情公價的指標吧！👉人情公價2022