網民熱數與日本人合作10個難頂位　男尊女卑、盲跟程序不會變通？

相信不少人都喜歡日本文化，除了經常「返鄉下」去日本旅行外，更會學日文、希望日後能與日本人交流、甚至到當地工作。不過，事實又是否真的如此美好？有連登網民於討論區上吐苦水，力數與日本人工作的難頂位，結果掀起不少人回應。

日本人出名做事嚴謹認真，處處注重細節體面。作為外國人，受到這樣的服務當然讚好。但若然處境變成你要跟他們合作，要跟隨他們的要求去工作，也許又是另一回事。

日前有網民於連登討論區以「同日本仔有工作上接觸慘X過死」為題，大談跟日本人工作的多個難頂位，直指他們嚴謹認真的習性，反而令工作的效率大大減低。簡單一件小事都會被複雜化，導致工作進度減慢。亦有網民認為日本人都是「笑面虎」，表面笑着，背後卻隨時跟其他日本人一起不滿你。

👇👇👇點圖睇網民細數跟日本人有幾難頂！👇👇👇

【1】口不對心

永遠講嘢留一手，講完都唔知up乜，想避談就突然扮聽不明英文。

【2】男尊女卑

男尊女卑到極致，同個jun(junior)小小嘅regional manager 問簡單嘢，搞咗成個星期過曬deadline先答，原來因為佢要一直拎齊4個男上司approval (i.e. Senior Manager，Director，VP，C-level) 先可以答返我哋Corporate Office。

【3】收收埋埋

乜嘢都收收埋埋唔會同人講，明明大家同一間公司，我又高你一個level，可以睇曬你啲數據，只係問你拎個睇法/analysis。搞到好似我係對家公司嚟偷你數據咁，乜都話要 check，要遲d啲答，無時間理。

【4】 free-rider

同日本人做 PROJECT一樣慘，乜都唔做，等你班友做完佢COMMENT，都onx9。大家咁高咁大，憑乜嘢你要扮老細先，香港人有啲又係過度崇日嘅，搞到班日本仔自以為是，以為自己好巴閉囉！

【5】效率低

同過日本人合作，佢哋做嘢真係好慢。問個問題都要第二日先覆。

【6】不懂變通

日本職場好奉行大小事都要報告、聯絡、商量、走哂成套SOP(標準作業程序)先出結果。

【6.1】不懂變通

開會，永遠 step 1 to 2 to 3.....to 10，唔識由 step 1跳去 10。

【7】吹毛求疵

日本仔好鐘意執你啲格式。個價換算做日元明明個位數多數都已經係0，死都要你報到小數點後2個位，字型又一定要跟佢要求嗰個，成日Email 嚟「提醒｣你個格式唔啱，無聊到。

【8】笑面虎

日本人客客氣氣傾兩句就好，要落手一齊做嘢就不了。又鍾意玩小圈子，自己圍內用日文講嘢 mean到。如果唔識日文真係會俾佢地表面呃到，正宗笑面虎。

【9】小題大做

日本人唔重要嘅嘢都勁仔細咁做，例如叫佢 project下下個月嘅 sales，其實講句「同 budget 差不多，預算正負5%｣已經夠。佢就一定要做幾星期，畀個「好 L make sense ，又好L精密計算出嚟嘅 forecast」，畀得嚟都已經完咗嗰個月。

【10】兜大圈

Send 個 e-mail 明明得一行重點，佢打成十幾行過嚟。直行就到嘅嘢，佢哋係鍾意左兜右兜。

不少網民都認為日本的美好只限於去旅行時吃喝玩樂，又大喊喜歡日本文化的朋友千萬別盲目喜歡。不過，記者認為不同國家人民都有其文化背景，況且人人都各有優缺點，日本人工作上的專業認真態度、工匠精神、大企業管理文化等等，都是全球知名，所以切勿「一竹篙打一船人」。

同場加映：散水派旺旺仙貝遭公審？網民激辯散水餅必要性　專家：唔派絕對OK

離職走人，不少人按照慣例都會派糕餅作散水餅，以感謝一眾同事的關照。不過看來這約定俗成的文化非人人認同，近日有連登網民開PO表示收到同事派旺旺仙貝作散水餅。如此出位的散水餅引來不少網民恥笑，繼而展開「究竟離職使唔使派散水餅」的激烈討論，大家又有甚麼看法？

想做個體面職場人？點擊看全文：散水派旺旺仙貝遭公審？網民激辯散水餅必要性　專家：唔派絕對OK