七仙羽專訪｜爆紅後一件事令她痛苦 仍堅持上節目：唔想浪費自己
「紅？我十幾年前已經紅過，不過冇咩人知。」一口半鹹淡廣東話，加上抵死幽默的金句，成為七仙羽師傅的「招牌」，亦令她火速走紅，出現在大大小小不同節目，靈探、講鬼故、連選美都有份，一時間節目、廣告蜂擁而來。
一般人面對自己突然爆紅，可能會方寸大亂，又或者迷失自己，甚至開始飄飄然。突然紅遍網絡的七師傅，卻有不一樣感受。
原來師傅十幾年前，曾在Yahoo!寫愛情專欄，更是流量榜的Top 10，風頭一時無兩，亦有到有線電視拍靈探節目「嗰時好多人睇！」不過自言見憤風浪的七師傅，也對自己成名，感到有點吃不消，又是甚麼支撐她一路走來？
「你係咪七師傅？」「唔係。」
十多年後再次翻紅，師傅淡然表示，「唔化妝行出街都有人識，咁先係紅」，師傅隨即補充，指自己素顏時有被認出過，暗爽之際，對方下一句卻令她無語：「唔係喎，七師傅好靚喎，你應該唔係」。自此七師傅決定，只要當日無化妝，一律不會承認自己就是七仙羽。
「可能我天生好笑。」
不過直到今時今日，七師傅對自己為何紅得起、金句被廣傳仍然大惑不解，直言自己沒有事前度稿，有時連入廠拍甚麼，只在開機前一刻才知道，因此網上流傳的金句，其實都是真心說話，冇夾過。例如之前建議觀眾若撞鬼，可跟隻鬼說「唔好搵我，我都唔知自己係邊個」，引起哄堂大笑，她說其實背後有佛理支持。那麼「克羅地亞我玩晒」呢？七師傅雙手一攤，「咁我真係玩晒嘛。」
「有人話我真人靚過上鏡，梗係啦！」
十件前的紅，跟十年後的紅有甚麼分別？七師傅坦言比較懷念以前的時光，現在的人氣，令她有點吃不消，直言以前拍電視節目，「入廠最多講2、3個鐘」，寫Blog更可以自己控制時間。現在成名，先不說要出樣上鏡，最令師傅害怕的，是拍外景，更大爆《Error自肥企画》靈探內幕，原來肥仔落水另有內情。
七師傅表示，最令她吃不消，大感辛苦的，是朝6晚2的馬拉松式拍攝。入攝影廠坐定定還好，如果要出外景，更是苦不堪言。「特別係靈探節目，荒山野嶺邊度搵廁所？水都唔敢飲。」一旦溶妝更要一層層補上去，「有人話我真人靚過上鏡，梗係啦！上鏡嗰時捱到殘晒！」
「點解咁辛苦仲繼續拍？」
七師傅收起笑容說：「報恩」。她表示，自己有一定家底，可說是不愁衣食住行，但也不是一個過河抽板的人，ViuTV靈異節目的工作人員，過去是之前合作過的靈探節目班底，「佢哋記得我，搵我拍，我冇理由紅咗就走人，大家已經係朋友」，她又承認，自己有一定人氣，不希望觀眾失望，直言「幾多人想上節目都冇得上」，自己未來會繼續好好把握機會：「我唔係為生活，只係唔想浪費咗自己」。
同場加映：七仙羽專訪｜教你睇10個面相部位揀另一半 評林作裕美戀情：出事
「七師傅」七仙羽，為ViuTV拍攝的新節目《七救星》中，為林作、林作媽媽王莉妮，及裕美調解，結果火星撞地球，不歡而散。七師傅接受《開罐》專訪時，大方教大家，如何以面相為參考，挑選男、女朋友，更一時興起，點評林作及裕美的戀情。
七師傅分別教大家觀察男生和女生，由頭髮、眉毛，到魚尾紋、眼袋，當然少不了最基本的眼耳口鼻。師傅又特別贈女生幾句，笑言男人不論有錢還是貧窮，都會身痕，特別要注意看上去老實，平日不出聲的男生，「呢啲一般都係深藏不露」。
👇👇👇按圖看七師傅教大家看面相揀另一半👇👇👇
立即CLICK入內文睇足本版：七仙羽專訪｜教你睇10個面相部位揀另一半 評林作裕美戀情：出事
同場加映：鍾培生專訪｜親自回應連登仔挑機 一條問題令他瞬間變臉爆粗
鍾培生跟林作大戰還有一個月就開打，連登再次充斥相關的討論，加上知道鍾培生會用真名上連登，一向毒舌的網民又怎會放過大好機會，紛紛開PO留言挑機。《開罐 Opener》挑選了連登仔10個愛情難題，以及10個尖銳抵死的留言，請鍾培生即場回應，他大笑表示：最鍾意玩連登仔。不過卻因一條問題而爆粗...
👇👇👇按圖看鍾培生大戰連登仔👇👇👇
立即CLICK入內文睇足本版：鍾培生專訪｜親自回應連登仔挑機 一條問題令他瞬間變臉爆粗